Civîna parlamentoya Kurdistanê hat paşxistin!

Biryar bû îro 16.04.2018ê parlamentoya Kurdistanê ji bo gotûbêj kirina wê proje yasayê bicive û nûnerê hikûmeta herêma Kurdistanê jî di civînê de amade biba.

Sekretera parlamentoya Kurdistanê Bêgerd Talabanî bi daxuyaniyek çapemeniyê ragehand, ji ber amade nebûna nûnerê hikûmetê, civîn bê ku roj û dem diyar bike hat paşxistin.

Parlamenterê PDKê Firset Sofî jî ji K24ê re ragehand, pêwîste di demeke herî zû de ew civîn pêkbê û di demek kurt de ew proje yasa bê pejirandin.

Li gor wê proje yasaya ku hikûmeta herêma Kurdistanê amade kiriye, mûçe û îmtiyazên malnişînên ne yasayî yên herêma Kurdistanê tê birîn û du mûçeyî li Kurdistanê namîne.