Parlamentoya Kurdistanê tê çalakkirin

Li gor nûçeya Rûdawê Sekreterê Giştî yê Yekgirtûya Îslamiya Kurdistanê Selahedîn Behadîn da xuyakirin ku Parlamentoya Kurdistanê dê di demek nêzîk de were çalakkirin û got, dê wezîrên Goranê jî vegerin nav kabîneya Hikûmeta Herêma Kurdistanê.

Behadîn da zanîn: "Di demeke nêzîk de dê Parlamentoya Kurdistanê were çalakkirin û dê dest bi karên xwe bike û wezîrên Tevgera Goran jî dê vegerin ser karê xwe."

Ji ber krîza navbera alîyên siyasî yên Herêma Kurdistanê seroktîya Serokê Parlamena Kurdistanê Yûsif Mihemed 12ê Cotmeha 2015an hatibû hilweşandin û wezîrên Gorranê jî ji Hikûmeta Herêma Kurdistanê û parlamentoyê vekişiyabûn.