Îro 14.06.2017ê endamê polîtburoya YNKê Seidî Ehmed Pîre di civîneke çapemeniyê de ragehand, parlamentoya Kurdistanê ji ber pirsgirêkên navxwe û bi taybet pirsgirêkên di navbera Tevgera Gorran û PDKê hatibû daxistin.
Seidî Ehmed Pîre herwaha ragehand, ku di civîna rêveberiya partiya wan de çend biryar hatine dayîn ew jî waha ne:
1-YNK dê tekoşîn bike bo pêkanîna referandomê wek takane deriyê yasayî yê geheştina serxwebûna Kurdistanê.
2-YNK bo çareser kirina pirsgirêkên yasayî hewldana çalak kirina parlamentoyê dê bide.
3-Çareser kirina pirsgirêkan û yekxistina netewa me bi komdengiya niştimanî û serxistina proseya siyasî li herêma Kurdistanê.
Seidî Ehmed Pîre amaje bi civîna serokê herêma Kurdistanê Mesûd Barzanî û partî û aliyên siyasî yên Kurdistanê (Gorran û Komela Îslamî ya Kurdistanê beşdar nebûn) kir û ragehand, di wê civînê de biryara pêkanîna referandoma serxwebûnê û çalak kirina parlamentoyê hate dayîn.
Herwaha got, duh 13.06.2017ê di civîna polîtburoya PDKê û YNKê de ev biryarane hatin dayîn.
-Parlamento di rûniştina yekem a piştî çalak kirinê dê ji aliyê Yusif Mihemed ve bê birêve birin.
-Di rûniştina duyem de serok, cîgirê serok û biryarderên wan dê bên gohertin, serokê nû jî dê ji Tevgera Gorran be.
-Hemû ew biryarên li karên rojane yên derbarê civînan de û hûrkariyên ku bên dayîn pêwîste bi yekdengî bên dayîn.
-Wezîrên Gorran ku ji malên xwe re hatibûn rêkirin dê vegerin ser karê xwe yê berî nakokiyan.
