Yekgirtû bi merc biryara mana li hikûmeta herêma Kurdistanê da!

Berdevkê fermî yê Yekgirtûya Îslamî ya Kurdistanê Hadî Elî, biryarên civîna duh 23.12.2017ê ya encûmena cîbicîkar a partiya xwe xwend û ragehand: ‘’Civîn daxwaz dike lijneyek li parlamentoya Kurdistanê pêkbê bo pêdaçûn û lêpirsîn li bûyerên çend rojên borî li bajar û bajarokên Kurdistanê pêkbîne, ku tevgera sivîl û aştiyane ya wan bûyeran ji rê derxistin.’’

Herwaha got, pêwîste lijne bi cidî kar bike bo azad kirina kesên girtî û aşkera kirina wan destên ku di xwepêşandanan de rê derxistin pêkanîne jî bike.

Derbarê helwêstê Yekgûrtû bo vekêşîna ji hikûmetê de jî hate ragehandin ku: ‘’Me baş zanî ku, Yekgirtû helwêst di berjewendiya başkirina jiyana hemwelatiyan de bigre û biryar hate dayîn ku heta 15ê meha 1 a 2018ê molet ji hikûmetê re bide û şandeke Yekgirtû jî daxwazan xwe radestî hikûmetê bike û eger hikûmet ti bersiveke erênî li hember wan daxwaza nede, wê demê wek Yekgirtû em helwêstê dê zelal bikin.’’