Şeva borî li Bexdaya paytexta Îraqê di êrişeke dronî de 3 kes hatin kuştin.
Hat ragihandin ku otomobîlek hatiye bombebarankirin û sê fermandarên Hizbulahê hatine kuştin.
CENTCOMê li ser vê êrişê daxuyaniyek da û destnîşan kir, wan Hizbulah kiriye armanc ku ji êrişên li ser hêzên Amerîkayê berpirsyar e.
“Fermandarekî Hizbulahê hat kuştin”
CENTCOMê berpirsiyariya êrişê qebûl kir û da zanîn:
“Şeva 7ê Sibatê saet 21:30î fermandarekî Hizbulahê hat kuştin ku rasterast ji plankirina êrişên li ser hêzên me berpirsyar bû û herwiha beşdarî wan êrişan bûye.
Heta niha tu nîşaneyên ku zerer gihiştibe sivîlan nînin.”
CENTCOMê di berdewamiya daxuyaniya xwe de diyar ku ew dê bersivê bidin êrişan û pê de çû:
“Amerîka dê ji bo parastina gelê me bi berdewamî gavên pêwîst biavêje.
Em dê dudilî nebin ji bo hesabpirsîna ji wan kesên ku gêfê li ewlehiya hêzên me dixwin.”
Li aliyê din, li gorî agahiyên ku Nûçegihanê Rûdawê Helkewt Ezîz dane kesên hatine kuştin ev in:
- Ebûbaqir Saidî, Berpirsê Mûşekan ê Hizbulahê û Berpirsê Operasyonan ê Sûriyeyê bûye
- Erkan Elyawî, Berpirsê Îstxibaratê yê Hizbulahê bûye
Helkewt Ezîz bêyî navê wî bide da zanîn, kesên sêyem ê ku hatiye kuştin jî Berpirsê Karên Derve yê Hizbulahê bûye.
