Ebadî û nûnerê Barzanî wê bi hevre ligel Trump bicivin

Di serdana dawî ya Hewlêrê de Serokwezîrê Iraqê Heyder Ebadî roja 7ê Adara 2017ê ligel Serokê Herêma Kurdistanê Mesûd Barzanî civiyabû û pêşniyar kiribû, ku Serokê Dîwana Serokatiya Herêma Kurdistanê Fûad Husên jî di serdana Amerîkayê de pê re be.

Li gorî zanyariyên li ser Rûdawê hatine belavkirin, Mesûd Barzanî jî bi erênî bersiv daye vê pêşniyarê û razî bûye, ku Serokê Dîwana Serokatiya Herêma Kurdistanê Fûad Husên jî di şandê de be.

Biryare roja 20ê Adarê Heyder Ebadî bi serokatiya şandekê bigihe Washingtonê û ligel Serokê Amerîkayê Donald Trump hevdîtinekê bike.

Roja 22ê Adarê jî dê li Amerîkayê civîna welatên hevpeymaniya navdewletî ya li dijî DAIŞê bê sazkirin.