Fermandar Thomas di civîna ewlekariyê ya salane ku li Enstîtuya Aspen a eyaleta Colorado hat lidarxistin de, li ser sedema guhertina navê Yekîneyên Parastina Gel (YPG) bi navê Hêzên Sûriya Demokratîk (HSD) got ku wan xwestiye navê xwe biguherînin û YPGê jî guhertiye.
Thomas wiha axivî: "Wan berê bi fermî ji xwe re digotin YPG ku tirk dibêjin, bi PKKê re yek in û digotin, ‘Hûn dibin muxatabê dijminê min ê terorîst, hûn wek hevalbend çawa vê dikin?'Me jî li ser vê ji wan xwest ku pêwîst e navê xwe biguherînin. Me got, gelo hûn ji xeynî YPGê dixwazin xwe çawa binav bikin? Piştî rojekê ragihandin ku wan navê xwe kiriye Hêzên Sûriya Demokratîk (HSD)."
Fermandarê Amerîkî got, ‘Ez hizirîm ku pir zîrekaneye ku peyva demokratîk xistine nav navê xwe yê nû û vê yekê hinekî îtibar da wan.'
Thomas pesnê Nûnerê Taybet ê Serokê Amerîkayê yê Têkoşîna DAIŞê Bret McGurk da û bal kişand ser ku hêzên HSDê gelek tiştên min nedikarî bidim wan (Beşdarbûna Cenev û Astanayê wekî hêzeke siyasî) dixwestin, lê McGurk ji bo min şansek bû ku di danûstandinên bi wan re de gelekî ji min re dibû alîkar.
Fermandarê Amerîkî diyar kir, "Me ji bo vê yekê ew kirin hêza leşkerî û McGurk bi vî awayî hişt ew jî di nav danûstandinan de bimînin û rewabûna wan a bo hevalbendiya me pêk anî."
