Pentagon: Em li Kerkûkê rê nadin aloziyan

James Mattis bersiv da pirseke li ser rewşa Kerkûkê û da xuyakirin: "Pêwîst e hemû alî hewla şikestdana DAIŞê bikin, niha em nikarin pişt li hev bikin, em naxwazin rewş aloz bibe û ber bi şerkirinê ve biçe.

Mattis got: "Em bi giringî çavdêriya rewşa Kerkûkê dikin. Wezîrê Derve Rex Tillerson jî gotiye min, ew ji nêzîk ve agahdarê rewşê ne û hewl didin, ku rêgirî li çêbûna aloziyan bikin."

Piştî encamdana referandûma serxwebûnê ya Herêma Kurdistanê li 25ê Îlonê, Hikûmeta Iraqê biryarên sizakirinê wergirtibûn û Serokwezîrê Iraqê Heyder Ebadî gefa bikaranîna hêzê ji bo navçeyên wekî Kerkûkê yên ku li gor madeya 140 a destûra Iraqê nehatine çareserkirin, li Herêma Kurdistanê xwaribû.

Herî dawî şeva borî 13ê Cotmehê hêzên Heşda Şebî û Iraqî li nêzîkî sengerên Pêşmerge yên dorûbera Kerkûkê ketibûn tevgerê û Pêşmerge vekişiyabûn xeta parastinê.