Trump: Dewleta sereke ya terorîst Îran e!

Serokê Amerîkayê Donald Trump di axaftina xwe ya televîzyona Fox Newsê de Îran wekî “dewlata serekê ya terorîst” bi nav kir û rêvebiriya berî xwe ji bo îmzekirina peymana bi Îranê re rexne kir û got: “Ev rêkeftina herî xirab e ku min di jiyana xwe de dîtî ye.”

Donald Trump rêvebiriya berî xwe ya Barak Obama ji bo îmzekirina peymana nûkleerî rexne kir û îdia kir ku ji bo îmzekirina wê rêkeftinê ti sedem nebûn.

Trump pirsa “hûn dê rêkeftinê hilweşînin?” wiha bersivand: “Ez dikarin bibêjim welatê me ne di xema wan de ye. Ew dewlata serekê ya terorîst in. Pere û çekan dişînin her derê.”

Serokê Amerîkayê anî ziman ti rêza Îranê li hemberî welatî wî nîne û amaje kir ku Îran balafirên Amerîkayê dişopîne û bi belemên biçûk li derûdora keştiyên wan diçin û tên.