Wezîrê Tendirustiyê yê Îraqê: Çaksaziyên Hikûmeta Herêma Kurdistanê ji bo berhingarbûna dermanên saxte erênî ne

Wezîrê Tendirustiyê yê Îraqê Salih Hesnawî ji K24ê re ragehand, “Çaksaziyên Hikûmeta Herêma Kurdistanê di derheqa diyarkirina nirxên dermanan û berhingarbûna dermanên saxte de gelek baş û erênî ne, û biryar e em jî li Bexdayê pirojeyekê ji bo berhingarbûna dermanên saxte bi cih bînim”.

Salih Hesanwî herwesa got, “Em piştevaniya Hikûmeta Îraqê ji bo Hikûmeta Herêma Kurdistanê di warê tendirustiyê de tekez dikin”.

Hesnawî amaje da, “Me li Hewlêrê arêşeyên navbera Hikûmeta Herêma Kurdistanê û Hikûmeta Îraqê di warê dermanan de hilsengandin û bi aneha Xudê hemî arêşe dê bên çarekirin”.

Wezîrê Tendirustiyê yê Îraqê di derheqa edilandina budceya giştî ya Îraqê de got, “Em piştevaniya edilandina budceyê dikin, xasma pişka Herêma Kurdistanê di kertê tendirustiyê de”.