Felah Mistefa dilgiraniya Herêmê ji helwesta NY derbarê bilindkirina alaya Kurdistanê nîşan da

Malpera Peywendiyên Derve yên Herêma Kurdistanê ragehand ku, îro Berpirsê Peywendiyên Derve yê Hikûmeta Herêma Kurdistanê Felah Mistefa ligel Nûnerê Taybet ê Sekreterê Giştî yê Neteweyên Yekbûyî (NY) Jan Kubis re civiya.

Di civînê de behsa peywendiyên di navbera Neteweyên Yekbûyî û Herêma Kurdistanê de, herwiha qonaxa piştî şerê DAIŞê, pêkanîna aramiya li Herêma Kurdistanê û Iraqê û rewşa penaberên li herêmê hat kirin.

Di heman civînê de Berpirsê Peywendiyên Derve yê Hikûmeta Herêma Kurdistanê Felah Mistefa nîgeraniya Herêma Kurdistanê daxuyaniya NY ya di derbarê bilindkirina alaya Kurdistanê li Kerkûkê de ji Kubis re ragihand.

Tê zanîn ku di 21ê Adarê roja Newrozê de bi fermandariya Parêzgariya Kerkûkê li ser Kelha Kerkûkê aleke mezin a Kurdistanê hatibû hilgirtin û piştî hilgirtina ala Kurdistanê NY û Tirkiyeyê nerzaîbûn û bertek nîşan dabû.