Fermandarê baskê çekdarî yê Hemasê Lîwaya Îzzeddîn el-Qassam Mihemed Ed-Deyf ragihand ku wan di qonaxa yekem a “Tofana Eqsayê” de 5 hezar mûşek û hawan avêtine Îsraîlê.
Piştî êrişên ji Xezeyê yên li ser Îsraîlê artêşa Îsraîlê daxuyaniyek da û wiha got:
“Em rewşa şer a hişyariyê îlan dikin
Di saetên dawî de ji Gazzeyê ber bi Îsraîlê ve êrîşên bi roketan ên mezin dest pê kirin.
Terorîst ji çend xalên cuda derbasî nav axa Îsraîlê bûn.
Em telîmat didin gelê xwe yên li herêmên nêzî sînor ku nêzî herêmên parastinê bibin.”
Di daxuyaniyeke din a nivîskî ya berdevkê artêşa Îsraîlê de hat ragihandin ku Hamasê, mûşek avêtin û derbasî nav Îsraîlê bûyîn jî di nav de, dest bi operasyoneke berfireh kiriye ku tê de.
Artêşa Îsraîlê ji welatiyên xwe xwest ku li gorî talîmatan tevbigerin.
5 hezar mûşek û hawan hatin avêtin
Li aliyê din Fermandarê baskê çekdarî yê Hemasê Lîwaya Îzzeddîn el-Qassam Mihemed Ed-Deyf ragihand ku wan di qonaxa yekem a “Tofana Eqsayê” de 5 hezar mûşek û hawan avêtine Îsraîlê.
Deyf diyar kir ku gelê Filistînê dîsa şoreş kir û li projeya avakirina dewletekê vegeriyaye û wiha got:
“Me biryar da ku li dijî binpêkirinên Îsraîlê xetek bikişînin û me li dijî Îsraîlê operasyona Tofana Eqsayê da destpêkirin.”
Herwiha Deyf diyar kir ku kordînasyona ewlehiyê ya bi Îsraîlê ra qediyaye.
