Neteweyên Yekbûyî li ser DAIŞê raporek belav kir

Li gorî rapora Neteweyên Yekbûyî nêzîkî 11 hezar çekdarên DAIŞê di zindanên Rêveberiya Xweser de û herwiha di kampên Roj û Holê de hene.

Di nava wan girtiyên DAIŞê de 3 hezar û 500 çekdar ji Îraqê û 2 hezar jî ji 70 welatên cuda cuda ne.

Rapora Neteweyên Yekbûyî diyar kiriye ku li Sûriye û Îraqê 55 hezar kes hene, dibe ku pêwendiya wan bi DAIŞê re hebe.

Di beşeke din a raporê de behsa metirsiya malbatên DAIŞiyan ên ku di kampa Holê de dimînin jî kiriye.

Hat diyarkirin ku zêdetirî 11 hezar zarokên Îraqî, 16 hezar zarokên Sûriyeyî û zêdetirî 6 hezar û 700 ciwanên ji 60 welatên cuda di nav wan de hene.

Rêveberiya Xweser bi berdewamî banga çareserkirina rewşa DAIŞî û malbatên wan ên di nava zindan û kampan de dike lê heta niha civaka navdewletî bersiva wan daxwazan nedaye.