TAK êrişa xwekujî ya Qeyseriyê girt stûyê xwe

Rêxistina bi navê “Teyrên Azadiya Kurdistanê” (TAK), ku rêxistineke nêzîkî PKKê ye, di daxuyaniyekê de ragihand, êrişa xwekujî ya roja 17 vê mehê li bajarê Qeyseriyê ji aliyê endamekî wan ve hatiye kirin.

Li gorî daxuyaniyê, navê wî kesê xwekuj, Qasim Yildirimçakar (26 salî) û xelkê navçeya Qelqeliyê ya Wanê bûye.

TAKê encamderên êrişên xwekujî yên Stenbolê jî eşkere kir. Li gorî agahiyên TAKê, ewên ku xwe li Stenbolê teqandibûn, yek xelkê Qosera Mêrdînê û yê din jî xelkê Pirsûsa Rihayê bûye. Navê ewê Mêrdînî, Qedrî Kilinç 27 salî û yê Rihayî jî Burak Yavûz 30 salî bûye.

Di êrişên xwekujî yên Stenbol û Qeyseriyê de, bi giştî 58 polîs-serbaz û sivîl hatibûn kuştin û bi dehan polîs û serbaz jî birîndar bibûn.