Li Sêrtê bav hat kuştin, kur birîndar e
Li navçeya Dihê ya Sêrta Bakurê Kurdistanê di pevçûna bi çekan a du koman de bav hat kuştin û kurê wî birîndar e.
Li gorî agahiyan, li gundê Bukatê yê Dihê du kom ji ber sedemeke nekifş bi çekan bi hev çûn.
Di vê pevçûnê de bav S.K. (72) û kurê wî E.K. (18) bi giranî birîndar bûn.
Tîmên tenduristiyê tesbît kir ku S.K. li cihê bûyerê miriye û wan E.K. bi helîkoptera leşkerî veguhast Nexweşxaneya Perwerde û Lêkolînê ya Sêrtê.
Termê S.K. jî li meytxaneya Nexweşxaneya Dewletê ya Dihê ye.
Gumanbar H.S.S. berê reviya lê paşê xwe radestî cendirmeyan kir.
