Çekdarên Heşda Şeibî ji tirsa Pêşmerge ji eniya şer direvin

Heşda Şeibî ya Iraqê şeva borî heta saet 02:00 qaşo oltîmatom dabû hêzên Pêşmerge ku ji Kerkûkê vekişin û gefa wê yekê xwaribû ku eger venekişin dê êrişî Kerkûkê bikin.

Li gorî agahiyan, dema oltîmatomê xilas bû lê çekdarên Heşda Şeibî li şûna ku êrişî Pêşmerge û Kerkûkê bikin, paşde reviyan.

Fermandeyên Pêşmerge dane zanîn ku hejmarek mezin ji çekdarên Heşda Şeibî ji tirsa Pêşmerge reviyane û nexwastine şer bikin, her ku diçe hejmara wan çekdaran jî zêde dibe.

Şeva borî ji bilî bi dehan hezar pêşmerge, bi hezaran welatiyên Kerkûk û Xurmatû bi awayekî xwebexş çekên xwe hilgirtibûn û li kêleka Pêşmerge amade bûn parastina xaka xwe bikin.