Li Başîkê bi heşt mûşekan êrîşî baregeha serbazî ya Tirkiyê hat kirin

Îro Çarşemê 1ê Sibata 2023an, Dije Terora Kurdistanê di daxuyaniyekê de ragihand, vê sibê di demjimêr 07:45 xulekan de, heşt mûşek arasteyî serbazgeha Zêlkan a li nahiya Başîkê ya ser parêzgeha Neynewayê hatin kirin, ku hêzên artêşa Tirkiyê tê de ne.

Li gor daxuyaniya Dije Terora Kurdistanê, du ji wan mûşekan li nav serbazgehê ketine xwarê û mûşekên din li derdora serbazgehê ketine.

Derbarê ziyanên êrîşa mûşekî ya li ser baregeha serbazî ya Zêlkanê de, Dije Terora Kurdistanê didaxuyaniya xwe de eşkere kiriye: “Di êrîşa mûşekî de ti ziyanekî canî derneketiye holê.”