YNK: Bexda di gotûbêjên li gel Kurdistanê de ne cidî ye!

Endamê encûmena nûnerên Iraqê Rêzan Şêx Dilêr di axaftina xwe ya ku ligel BasNewsê re pêkaniye de ragehand: ‘’Bexda rastî hesteke xwe mezin dîtinê hatiye, herêma Kurdistanê encamên referandûmê cemidandiye, êdî ji wê zêdetir we çi divê? Dixwazin Kurdistanê dagir bikin niyeta we ew e?’’

Herwaha got: ‘’Iraq dixwaze bi awayê parêzgeh danûstandinê li gel me bike, ev nayê qebûl kirin, ji ber dema Seddam tîne bîra me.’’

Di berdevamiya axaftina xwe de Şêx Dilêr aşkera kir, Bexda ne diyare çi dixwaze, lê ya diyar ew e ku niyeta wan a şandina budceya Kurdistanê tineye. Eger pêşde gav navêje wê demê destûrê bicîh nayne û naxwaze bicîh jî bîne.’’

Navborî got: ‘’Beşa budceya Kurdistanê kêm kirine, guh nadin daxwazên Kurdistanê êdî em çi bikin? Divê kî bersiv bide, Bexda eger niyeta xwe heye çekdarên xwe bîne ser Kurdistanê bila ji naha ve ji me re bibêje.’’