Duh serê êvarê li gundê Gundejorê yê nahiya Hacî Omeranê ya Çomanê, di navbera gundiyan û pêşmergeyên Rojhilatî de şer derketibû. Di wî şerî de 2 gundî hatibûn kuştin.
Li gorî zanyariyan, di navbera çend xortên devera Balekayetî ya ser bi parêzgeha Hewlêrê û pêşmergeyên Komeleya Şoreşgêrên Zehmetkêşên Kurdistana Îran'ê de de alozî derket, ku bû sedema teqekirina pêşmegreyên wê partiyê.
Li gorî zanyariyan, di encama teqekirina pêşmergeyên Komeleya Şoreşgêrên Zehmetkêşên Kurdistana Îran'ê de , 2 xortên devera Balekyetiyê jiyana xwe ji dest dan.
Sedema derketina alozî û pevçûnê hêj nehatiye ragihandin.
Bi sedemeke nediyar alozî di navbera pêşmergeyên Komeleya Şoreşgêrên Zehmetkêşên Kurdistana Îranê û hejmarek xortên gundê Gundjûrê de ku dikeve sînorê Balekayetiyê, çê bû û di encamê de pêşmergeyên Komeleyê de gulle berdan xelkê vî gundî.”
Li ser wê bûyerê qaymeqamê Çomanê Ehmed Qadir daxuyaniyek belav kir û ragihand, ew pêşmergeyên ku du xort kuştibûn, teslîm bûne û dê radestî dadgehê bên kirin.
Di daxuyaniyê de wiha behsa bûyerê hatiye kirin: “Duh hêzên opozîsyona Îranê li gundê Gundejorê yê Hacî Omeranê êrişî 4 gundiyan, ku hemû birayên hev bûn, kirin. Di wê bûyerê de 2 ji wan mirin û 2 jî birîndar bûn. Ew bûyer ji ber wê qewimîbû ku ew 4 bira li hember qutkirina darên xwe ji aliyê wan çekdaran ve nerazîbûn nîşan dabûn, bi wî rengî alozî derketibû…”
Piştî bûyerê, xelkê wê deverê gelekî hêrs bibûn û baregehên Komele, PDK û PDKÎ şewitandibûn.
