Ji Kanadayê daxuyaniya Pêşmerge

Generalê artêşa Kanadayê Sillveyn Laperi li Hewlêra paytexta Kurdistanê di axaftina xwe de got: "Milîtanên rêxistina terorîst a DAIŞê tektîkên xwe yên şer li Iraq û Herêma Kurdistanê guherandiye. Hetanî tehdîdên DAIŞê yên ser Kurdistanê dewam bikin wê piştgiriya me ji bo hêza Pêşmerge dewam bike."

Sillveyn Laperi di berdewamiya axaftina xwe de got: "Di mayîna me ya Herêma Kurdistanê de tu guherîn tuneye. Baregeha leşkerî ya Kanadayê li Hewlêrê bi helîkopter, bi yekîneya xwe ya taybet û bi tîma tendirustiyê wê xizmeta xwe ya şêwirmendî û alîkariyê bo Pêşmerge bidomîne."