Akademisyenên kurd ji kar hatin dûrxistin

Desteya Wezîran a Tirkiyê derengê şevê 3 KHKên nû yên bi numareyên 679, 680 û 681ê derxistin. Di vê çarçoveyê de 83 komele û weqif hatin girtin, 4 hezar û 386 kes ji kar hatin dûrxistin.

Di heman çarçoveyê de 649 akademisyen jî ji wezîfê hatin girtin ku di nava wan de akademisyenên ‘belavoka aştiye' îmze kiribûn û navê wan weke ‘Akademisyenên Aştiyê' dihat naskirin.

Di nava wan akademisyenan de ji Zanîngeha Artuklu ya Mêrdînê Cuma Çîçek, Selim Temo, Razaman Pertev û ji Zanîngehên Mûş, Munzur, Bîngol û yên bajarên kurdan akademisyenên kurd jî hene.