Colemerg: Pênc erdhej di şevekê de

Li navçeya Geverê ya Colemergê şeva borî du erdhejên din çêbûn.

Serokatiya Rêveberiya Karesat û Rewşên Bilez a Tirkiyeyê (AFAD) da zanîn ku saet 01:28an erdhejeke bi hêza 3,8 pileyan rû da.

Piştî vê bi kêliyekê, demjimêr 01:45an erdhejeke din a bi hêza 2,1ê jî çêbû.

Pisporên erdhejê amaje pê dikin, dibe ku ev erdhej xeberdarê erdhejeke mezin bin.

Şeva borî 3 erdhej

Şevê din cara ewil demjimêr 19:37an li Geverê erdhejeke bi hêza 4,4an rû da.

AFADê da zanîn ku kûrahiya vê erdhejê 7 kîlometre bûye.

AFADê diyar kir ku piştî vê dîsa li Geverê du erdhejên bi mezihaniya 3,5 û 4,5an çêbûn.

Erdheja duyem demjimêr 19:52an a sêyem jî demjimêr 20:06an rû dabû.

Di erdhejên 6ê Sibata 2023yan ên Mereşê de li 11 parêzgehên Tirkiye û Bakurê Kurdistanê herî kêm 50 hezar kesî canê xwe ji dest da.

Ji wê demê ve erdhejên paşekî berdewam dikin.