Dîlok: Mînîbusek li barhilgirekê qelibî: 1 mirî, 7 birîndar

Li Taxa Sefaşehirê ya Şehitkamilê li ser rêya Dîlok-Nurdagiyê ya Bakurê Kurdistanê mînîbusa ku karker dibirine cihê kar, li barhilgireke rawestiyayî qelibî.

Di bûyerê de karkerê bi navê Cihan Kodalakoglu canê xwe ji dest da û tevî şofêr 7 kes jî birîndar bûn.

Li ser agahdarkirinê tîmên tenduristiyê û hêzên ewlehiyê çûne cihê bûyerê.

Tîmên tendirustiyê birîndar birin nexweşxaneyên cuda yên Dîlokê.

Cenazeyê Cihan Kodalakoglu jî birin Saziya Bijîşkiya Dadî.