HAK-PAR: Pirsgirêka Kurd tenê ji PKK'ê pêk nayê

Lijneya Serokatiya HAK-PARê daxuyanîyek li ser peyama Abdullah Ocalan belav kir.

28.02.2025, Cum - 20:10 [ Güncellenme: 28.02.2025, Cum - 20:12 ]

HAK-PAR: Pirsgirêka Kurd tenê ji PKK'ê pêk nayê

Banga Serokê Giştî yê MHP'ê Devlet Bahçelî ku gotibû ’’Rêveberê terorîst ê ku dema anîn Tirkiyeyê got 'Ez ji her cure xizmetê re amade me' bila bi awayekî yekalî îlan bike ku teror qediyaye û rêxistina xwe ji hev belav bike, di dawiyê de bersiva wergirt.

Ocalan di 27'ê Sibata 2025'an de got, '...Kongreya xwe bicivînin û ji bo entegrasyona bi dewlet û civakê re biryaran bidin; “Divê hemû grûp çekên xwe deynin û PKK jî xwe ji nav bibe.

Ocalan di peyama xwe de got, netew-dewletên cuda, federasyon, xweseriya îdarî û çareseriyên çandî, ku encamên pêwîst ên xirecira netewperestiya tund in, nikarin bibin bersiv ji sosyolojiya civaka dîrokî re û destnîşan kir, ku li Tirkiyeyê 30 milyon Kurd ji bo mafên xwe yên herî rewa û kolektîf dev ji têkoşîna xwe berdin û teslîmî dewleta kevneşopî bibin.

Kesên ku Ocalan nas dikin, ji destpêkê ve ji bilî xizmeta dewletê helwesteke din ji wî hêvî nedikirin. Ji heçî kesên ku îradeya xwe bi Öcalan ve girêdidin re tiştekî bête gotin tune!

Em wek HAK-PAR di wê baweriyê de ne ku dawî li şerê çekdarî yê ku di bin serokatiya Öcalan de ji aliyê PKKê ve tê meşandin û tasfiyekirina PKKê bi xwe wê gelê kurd kêfxweş bike.
Tasvîyekirina vê rêxistina ku ev çil sal in bi hevkarî û bi şerên lihevkirî yên ku xizmeta siyaseta dij-kurd kiriye û bi dehhezaran xortên kurd daye telefkirin, û bi taybetî jî bi amadekirina zemîna koçberiya bi milyonan kurdan û rê vekiriye ji bo çêbûna gelek karesatan, dê bi xêr be.

Lê divê yên ku Tirkiyeyê îdare dikin baş bizanibin ku pirsgirêka kurd ne tenê ji PKK pêktê.

Têkoşîna Kurdan a ji bo mafên xwe yên rewa bi tasfiyekirina PKK’ê jî bi dawî nabe.

Heta ku tasfiyekirina PKKya ku adana xwe ji dij-kurdbûna dewletê û siyaseta wê ya xitimandina pirsgirêka kurd dixwe, pêk were jî, pirsgirêka kurd dê her tim di rojeva Tirkiyê de bimîne.

Divê ev pirsgirêk muhaqeq bi awayekî adilîne bê çareserkirin.

Kurd bi hezar salan li ser axa xwe dijîn û xwedî çandeke dewlemend û kevneşopiya têkoşîna bi sebir in.

Mafê herî xwezayî, însanî û rewa yê kurdan e, ku li Tirkiyeyê wek miletekî kevin û bi nifûsa xwe ya derdora 30 milyonî ye, bi gelê tirk re di şert û mercên wekhev de bijîn.
Divê Tirkiye li gorî pêkhateya xwe ya pirneteweyî, pirçandî bi awayekî federal ji nû ve bê avakirin û pirsgirêka kurd li ser esasê wekheviyê bi awayekî adil bê çareserkirin. Divê kurdî li gel tirkî wek zimanê fermî bê qebûlkirin û perwerdeya bi zimanê dayikê bê dayîn.

Em wek HAK-PAR bang li hemû welatparêzan dikin ku li hember lîstok û xefikên bi vî rengî yên îro û siberojê bên kirin, gelê xwe hişyar bikin û ji bo mafên xwe yên rewa têkoşîna xwe bikin yek.28
Sibat 2025

Partiya Maf û Azadiyan
Lijneya Serokatiya HAK-PARê

Vî nûçeyê tevayî: 731 kes dît.
Rojanekirina Dawî:11:37:08

Ji vî neweşînê ra tu şirove nehatîye nivîsandin! Tu dixwazî şiroveya ewil binivîsî?

Herî Navdar

Duzgun Kaplan: Kes nikare bi zimanekî qirêj êrîşî Alaya Kurdistanê bike

Serokê PWKyê: Alaya Kurdistanê dê rojekê li asîmanên Kurdistana azad li ba bibe

PWK: Helwesta Qazî Mihemed îro jî rêya me ya azadiyê ronî dike

Li Sêwazê otobusek ji rê derket: 2 mirî, 23 birîndar

Îraq: Banga Ocalan girîng e

Erdogan li ser banga Ocalan daxuyanî da