Di nav kesên ku mirine de pitikek û zarokek jî hene.
Qezaya diltezên, derengiya şeva borî li taxa Aydinlarê parêzgeha Dîlokê ya Bakurê Kurdistanê çêbû.
Otomobîla bi şofêrtiya Ahmet Kestanlioglu û otomobîla bi şofêrtiya Yunus Emre Kuvrag li nêzîkî Goristana Asriyê li hev qelibîn.
Li ser agahdarkirina kesên derdorê, tîmên tenduristiyê û polîs çûn cihê bûyerê.
Di kontrol û pişkinîna tîmên tenduristiyê de derket ku destpêkê 3 kes mirine û 4 kes jî birîndar bûne.
Tîman her 4 birîndar bi ambulansan birin nexweşxaneyên bajêr.
Li nexweşxaneyê li gel midaxeleya bijîşkan ji birîndaran 2 kesên din jî mirin.
Di qezayê de şofêrê otomobîlê Yunus Emre Kuvrag, Îsmaîl Volkan Deler li gel hevjîna şofêrê otomobîla din Gulistan Kestanlioglu, zarokên wê Atlas Mete (1) û Eylul Kestanliogluyê (6) mirin.
Tedawiya şofêrê otomobîla din Ahmet Kestanlcioglu û dayîka wî Naile Kestanliogluyê jî berdewam e.
