Heyeteke Partîya Demokrat a Kurdistanê -Tirkîye (PDK-T) roja 30.01.2025ê, seredana Teşkîlata Amedê ya Partîya Welatparêzên Kurdistanê (PWK) kir.
Heyeta PDK-Tyê ji Cîhgirên Serokê Giştî yê PDK-Tyê Ozan Kardaş, M. Şîrîn Ozbek û Bêrîvan Dal, Serokê Teşkîlata Amedê ya PDK-Tyê Îbrahîm Çapa pêk hatibû.
Cîhgirên Serokê Giştî yê PWKyê M.Can Azbay û Vahît Aba û endamên Komîteya Birevebir a Navendî ya PWKyê Nurullah Tîmur, M.Alî Yilmaz, Mîrza Akar û rêvebirên PWKyê pêşwazîya heyeta PDK-Tyê kirin.
Heyetên PWK û PDK-Tyê di derbarê rewşa îro ya Kurdistanê û herêmê de bîr û rayên xwe pêşkêş kirin û bi taybetî, pêwîstîya hevkarîya hêzên sîyasî yên Kurdistanî anîn zimên.
Hevdîtin di atmosfereke germ û dostanê de derbas bû û herdû alîyan jî daxwaz û girîngîya berdewamiya hevdîtin û peywendîyên herdu alîyan anîn zimên.
Buroya Ragehandinê ya Partîya Welatparêzên Kurdistanê (PWK)
