Navenda Ragihandin û Çapemeniyê ya Hêzên Parastina Gel ( HPG) ku baskê serbazî yê PKKê ye bi daxuyaniyeke nivîskî bîlançoya şer a sê mehan eşkere kir û ragihand, di sê mehan de li navçeyên Zapê û Avaşînê de hezar û 528 leşkerên Artêşa Tirkiye hatine kuştin û 72 gerîlayên wan jî canê xwe ji dest dane.
Wezîrê Berevaniyê yê Tirkiye jî di 9ê vê mehê de ragihandû ku di encama operasyona Artêşa Welatî wê ya bi navê Pence Kilîd de 277 gerilayên PKKê cane xwe ji dest dane.
Li gor daxuyaniya ku HPGê di medyaya nêzîkî PKKê de belav kiriye hêzên wan ji destpêka Operasyona Pence-Kilîd a Artêşa Tirkiye ve ziyaneke mezin gihandiye Artêşa Tirkiye û rê li ber pêşveçûna wê girtiye.
HPGê di daxuyaniya xwe de bilançoya sê mehên şerê li navçeyên Zapê û Avaşînê yên di nav axa Herêma Kurdistanê de belav kiriye û dibêje, “Gerîlayan hezar û 129 car çalakî li dijî hêzên Tirkiye pêkanîne. Di wan êrîşan de hezar û 528 leşker hatine kuştin ku di nav wan de 3 gundparêz û 6 efserên bilind hene û 217 leşker jî birîndar bûne. Firokeyên şer ên Tirkiyê 2 hezar û 623 car û helîkopteran jî hezar û 978 car ew navçe bombebaran kirine. Di encamê de hezar û 198 tunelên şer û çeperên PKKê hatine bombebarankirin û ji ber wan bombebaranan jî 72 gerîlayan canê xwe ji dest dan.”
HPG her wiha dibêje helîkoptereke core Atak, du helîkopterên Skorsky, tankek, pênc wesayetên zirxpoş û 41 yek çeper hatine têkşikandin.
Amarên HPGê di demekê de ne 9ê vê mehê Wezîrê Berevaniyê yê Tirkiye ragihandibû ku di ku di encama operasyona Artêşa Tirkiyê ya bi navê Pence Kilîd de 277 gerîlayên PKKê canê xwe ji dest dane.
Sibeha 18ê Nîsana 2022an Artêşa Tirkiyê li navçeyên Zap, Avaşîn û Metîna yên di nav axa Herêma Kurdistanê li dijî gerîlayên PKKê dest bi operasyona bi navê Pence-Kilîd kiribû ku heta niha jî berdewam dike.
