Ji ber berfê rêya di navbera Meletî û Sêwazê de hat girtin

Rêya navbera parêzgehên Meletî û Sêwazê yên Bakurê Kurdistanê ji ber barîna berfa zêde hat girtin û welatî di rêyan de asê man. Ji ber barîna berfa zêde û pûkê rêya navbera Meletî û Sêwazê li ber çûn û hatinê hat girtin. Otomobîlên di rê de bûn li benzînxaneyên ser rê rawestiya ne heta rê tê vekirin.

02.02.2023, Per - 06:45

Ji ber berfê rêya di navbera Meletî û Sêwazê de hat girtin

Li gor agahiyan ligel barîna berfê û pûkê bayekî bihêz jî li Meletî û Sêwazê destpê kiriye. Ji ber wê yekê rêya navber navçeyên Kangal û Hekîmxan ên Meletî û Sêwazê hatiye girtin û çûn û hatina otomobîlan rawestiya ye.

Herwiha ji ber berfa ku hêj dibare, otomobîlên ji Meletî ber bi Sêwazê diçûn li navçeya Hekîmxanê hatine sekinandin.

Serokatiya Rêveberiya Karesat û Rewşên Bilez (AFAD) Dêrsim, Amed û Şirnex jî di nav de ji bo 17 parêzgehên Bakurê Kurdistanê hişyariya aşûtê daye û dibêje şeva 1 bo 2ê Sibatê dê berfeke zêde bibare.

Li gor daxuyaniya AFADê li cihên bilind ên 17 parêzgehên Bakurê Kurdistanê dê 2ê Sibata 2023an zêdeyî 20 santîmetre berf bibare û li beramber aşûtê divê welatî hişyar bin.

Nerina Azad

Vî nûçeyê tevayî: 209 kes dît.
Rojanekirina Dawî:14:13:04

Berf meleti sewas

Ji vî neweşînê ra tu şirove nehatîye nivîsandin! Tu dixwazî şiroveya ewil binivîsî?