Li Colemêrgê teqîn: 25 leşker birîndar bûn û 7 leşker winda ne

Li gor daxuyaniya Wezareta Berevaniya Tirkiyê, li baregeheke li gundê Rûbarok ê ser bi navçeya Şemzînanê, cebilxaneyeke xerabe teqiyaye û di encama teqînê de 25 leşker birîndar bûne û 7 leşker jî winda ne û xebatên lêgerîna leşkeran berdewam in.

Hat ragihandin, leşkerên ku di encama teqînê de birîndar bûn, bi helîkopteran ber bi Gever û Colemêrgê hatin veguhestin.

Leşkerên birîndar piştî ku bi helîkopteran hatin veguhestin, bi ambulansan rakirin nexweşxaneyên dewletê yên Colemêrg û Geverê.