Encamên hilbijartinê yên despêkê li parêzgeha Êlihê ya Bakurê Kurdistanê pistî hejmartina dengê li dervey Tirkiyê hatine bikaranaîn hat guhert. Li gor encamên destpêkê Partiya Çepên Kesk (YSP) 4 kursî û AK Partiyê 1 kursî misoger kiribû, lê ligel hejmartin dengên dervey welat yek ji YSPê kêm û berbijêrê HUDA PARê yê ji lîsteya AK Partiyê beşdar bibû bi ser ket.
Di hilbijartinên serokomarî û parlementoyê yên ku di 14ê Gulana 2023an de hatin kirin de piraniya sindoqên dengdanê hatin vekirin.
Serokê Desteya Bilind a Hilbijartinên Tirkiyê (YSK) Ahmet Yener ragihand, berbijêran nikaribûn di hilbijartina serokkomariyê de dengên pêwîst werbigirin û biryar hat dayîn ku di roja Yekşema 28ê Gulanê de gera duyem a hilbijartinê bê kirin.
Li gorî encamên nefermî, Partiya Çepên Kesk ji Êlihê 4 û AK Partiyê jî 1 parlamenter derxistin. Lê bi hejmartina dengên ji dervey Tirkiyê hatine bikarnaîn, Partiya Çepên Kesk daket 3, AK Partiyê jî 2 parlamenter bi dest xistin.
Li gorî vê yekê, Berdevkê Partiya Doza Azad (HUDA PAR) Serkan Ramanlî ku ji lîsteya AK Partiyê bibû berbijêr bi ser ket.
4 berbijêrên HUDA PARê bûn parlementer
Serokê Giştî yê HUDA PARê Zekerîya Yapicioglu li Stenbolê, Endamê Lijneya Giştî Faruk Dînç li Mêrsînê, Sekreterê Giştî yê HUDA PARê Şehzade Demîr li Dîlokê û Berdevkê HUDA PARê Serkan Ramanlî jî li Êlihê wek parlementer hatin hilbijartin.
