Serokê Giştî yê Partiya Welatparêzên Kurdistanê (PWK) Mustafa Ozçelîk, derbarê hevdîtina Serok Mesûd Barzanî û Fermandarê Giştî yê HSDê Mezlûm Ebdî ya li Hewlêrê de daxuyaniyek da.
Serokê PWKê Ozçelîk got ku, ev hevdîtin dê hêviyên ku kurd li ser daxwazên xwe yên neteweyî û demokratîk bi yekrêzî bi Şamê û hemû aliyên peywendîdar re bikevin diyalogê, xurt bike.
Daxuyaniya Mustafa Ozçelîk wiha ye:
''Rêzdar Serok Mesûd Barzanî û Fermandarê Giştî yê Hêzên Sûriyeya Demokratîk (HSD) rêzdar Mezlûm Ebdî roja 16.01.2025ê li Hewlêrê, ji bo yekrêzîya kurdên Rojavayê Kurdistanê hevdîtinek pêk anîne.
Ev hevdîtin pîroz e û hêvîyên ku kurd li ser dwaxwazên xwe yên neteweyî, demokratîk bi yekrêzî bi Şamê û bi hemû alîyên peywendîdar re bibin mixetab xurtir dike.
Em piştigrîya hewlên Rêzdar Serok Mesûd Barzanî yên ji bo yekrêzîya kurdên Rojavayê Kurdistanê û piştgirîya helwesta erênî ya rêzdar Mezlûm Ebdî ya di vê derbarê de dikin.''
