Avahiya nû ya Zanîngeha Kobaniyê vebû

Rêveberiya Xweser a Rojavayê Kurdistanê, sala 2018an dest bi xebatên lêkirina avahiya nû ya Zanîngeha Kobaniyê kir lê piştî demekê navber da xebatan.

Rêveberiya Xweser, par bi projeyeke nû biryara berdewamkirina xebatên lêkirina zanîngehê da.

Avahiya zanîngeha Kobaniyê îro bi amadebûna mamoste û berpirsên zanîngehê, bi şahiyeke mezin hat vekirin.

Herwiha bi sedan şêniyên bajarê Kobaniyê û xwendekar beşdarî merasîma vekirina navenda nû ya Zanîngeha Kobaniyê bûn.

Avahiya nû ji 3 beşan pêk tê, 2 beş ji bo xwendekaran û beşek jî ji bo rêveberiyê ye.

Herwiha ji bo 400 xwendekarî pirtûkxane, laboratuar û cihê xwendinê hatin avakirin.

Zanîngeha Kobaniyê nêzîkî 3 hezar xwendekaran dihewîne û ew zanîngeh li bajarê Kobaniyê ye.