Di navbera Rûsya û Tirkiyê de hevdîtina 'Til Rifat'

Serkirdeyekî opozîsyona Sûriyê bi navê Mistefa Sêcerî ji ajanseke opozîsyona Sûriyê re ragihandiye, niha danûstandin di navbera Tirkiye û Rûsyayê de tên kirin, ji bo ku bajarokê Til Rifetê û dewrûberên wê ji YPGê bistînin û teslîmî çekdarên opozîsyona Sûriyê bikin.

Li gor Sêcerî, hîn herdu alî negihêştine ti rêkeftinekê, lê gotûbêjên wan berdewam in ji bo yekalîkirina wê mijarê.

Di Tebaxa borî de 2 karwanên leşkerî yên Rûsî ketibûn bajarokê Til Rifetê û lê bicih bibûn, çend roj berê jî alên YPG û Ceyş El-Siwar anîn xwarê û li cihê wan alên Rûsî bilind kirin.

Hêzên Sûriyeya Demokratîk (HSD) bajarokê Til Rifatê, ku 30 km li başûrê rojhilatê Efrînê ye, di Sibata 2015an de kontrol kiribû.