Îlham Ehmed: MSD amade ye bi hikûmeta nû ya Tirkiyê re danûstendinan bike

Di 14ê Gulana 2023an de ji bo hilbijartinên parlamentoyê û Serokkomariyê Tirkiye diçe ser sindoqan.

Seroka Desteya Cîbicîkar a Encûmena Sûriyeya Demokratîk (MSD) Îlham Ehmed di tweeteke xwe ya bi zimanên Kurdî û Erebî de ragihand, “MSD amade ye bi hikûmeta nû re li ser bingeha dabînkirina ewlehî, aramî û çareseriyan danûstandinê bike.”

Îlham Ehmed dibêje “Hêvî ew e, hilbijartinên Tirkiyê hikumeteke ku çareserkirina pirsgirêkên herêmê bi rêya diyalog û aştiyê qebûl dike, bi xwe re bîne. Ji bo ewlehî û aramiya herêmê, em ê ji bo danûstendin û hevkariyê hazir bin.”