Fermandeyê Giştî yê Hêzên Sûriyeya Demokrat (HSD) Mezlûm Ebdî li ser tora civakî ya “X”ê nivîsiye, “Zêdebarî pabendbûna li ser daxwazkirina maf û silametiyên gelê xwe, em daxwazê ji Civaka Navdewletî dikin ku maytêkirin bikin û êrîşên Tirkiyeyê rawestînin û seqamgiriya deverê biparêzin”.
Herwesa ragehandiye, “Bêdengiya Civaka Navdewletî û rêkxistinên mafên mirovan amajeyeka nîgeranker e”.
Mezlûm Ebdî tekez kiriye, “Em hisabê ji bo lihevkirina bi Hevpeymaniya Navdewletî re dikin ji bo ku rewş xirabtir nebe û şerekê mezin rû nede".
Behsa wê yekê jî kiriye ku, êrîşên Tirkiyeyê werçerxaneka metirsîdar peyda kiriye, herwesa armanckirina jêrxane û dezgehên sivîl ên Rojavayê Kurdistanê berfirehtir dike”.
Gotiye jî, “Ev pêşhat zirareka mezin digehînin xelkê sivîl û amajeyek e ji bo siyaseteka nû ya qirkirinê”.
Amaje daye wê yekê jî ku, ev êrîş tirsê zêde dikin, ev yek jî seqamgiriyê têk dide û metirsiyên binpêkirina sinoran zêde dike.
Mezlûm Ebdî gotiye jî, “Em daxwazê ji Tirkiyeyê dikin ku bala xwe bide ser pirsên xwe yên navxweyî û di nav sinorên xwe de çare bike”.
Gotinên Mezlûm Ebdî piştî wê yekê hatin ku doh (Duşem, 25ê Berçileya 2023ê) artêşa Tirkiyeyê bi rêya dronan çend cihên her du bajarên Kobanî û Qamişloyê yên Rojavayê Kurdistanê bombebaran kirin.
Li gor amareka nû ya Rewangeha Sûriyeyî ya Mafên Mirovan, he
