'Rojava' hate avêtin lê gengeşe hîn berdewam e

Partiya kesk a Kurdistanî jî yek ji partiyên ku biryara guhertina nav xweparas kiriye, di beyanameyekê de eşkere dike ku, di hemû karê xwe yê fermî de navê federalîzma Rojava dê bikar bînin, serkirdên wê tekez jî dikin ku ewê bi hemû şêwazên demokratîk doza guhertina nav birêve bibin û di nav de jî mangirtin û xwepêşendan.

Di 29ê meha bûrî de Encûmena Damezrêner li ser rakirina gotina “Rojava” ji navnîşana fediralîzmê erê kir, ev yek jî bû cihê nerazîbûna hin part û endamên encûmena navbûrî, di dema ku hin alîgirên guhertina nav dibêjin ku bi şêwazekî demokratîk nav hatiye guhertin, hin hêzên din dibînin ku, rakirina peyva Rojava dê pirsgirêkan di nava projeya fediralîzmê de peyda bike û heye careke din mijara danîna navê Rojava di navnîşana fediralîzmê de vegere gengeşekirinê.