Berî çend roja PKKê kuştina Rêzan Cawîd li Qamiişlo ya Rojavayê Kurdistanê ragehand, ku berî naha ji PKKê nîgeran bû û rexne li siyaseta PKKê kiribûn û sala 2019ê jî anîn ser kanala Newroz a PKKê êrîşî partiyên Kurdistanî kiribû.
Yek ji rêveberên Rojhilatê Kurdistanê ku berê rêveberê Hizba Demokrata Kurdistan a Îranê û naha jî çavdêrê siyasî ye Babeşêx Nasirî ji BasNewsê re ragehand: ‘’Rêzan Cawîd xelkê Mehabadê ya Rojhilatê Kurdistanê ye. Rêzan Cawîd çend sale ji PKKê qut bibû, piştre li gel 2-3 kesên din nav PKKê de hatin girtin û piştre PKKê hemû derxistin televîzyonê û hevpeyvîn li gel wan da kirin. Bi taybet li gel Rêzan Cawîd, ku dijatiya hemû partiyên Rojhilatê Kurdistanê kir û hemû partî wekî xayîn pênase kir.’’
Herwaha got: ‘’Piştî wê dengê wî nema û bêserûşûn bû û naha bi daxuyaniyekî gumanî ve behsa kuştina wî dikin. Ew endamê rêveberiya PJAKê bû, li Qamişlo çi dikir û ji bo çi li wê deverê bû? Pirsyar jî ew e Tirkiyê li wî da? Yan operasyona MÎT û Îtlaata Îranê bû? Yan jî tesfiya navxwe ya PKKê bû.’’
Babeşêx Nasirî got: ‘’Ew rewşên waha nav PKKê de zêde bûye, ku rêveberên xwe bixwe jinav dibin û gelek kesên rêveberiya berê ji tirsa PKKê çûne nav Partiya Komînîst û piştre PKKê ew ji wan standine û gule baran kirine. Dosya Rêzan Cawîd jî dibe ku heman senaryo be, ji ber ew demekî dirêj ji PKKê nîgeran bû.’’
