Komê xwest li ser navê Kurdistanê di festîvalê de bikeve pêşbaziyê.
Koma şanoyê “Lêre” beşdarî 5emîn Festîvala Şanoya Kolan a Navneteweyî ya Sicaveniriayê ya li bajarê Kafê yê Tûnisê bû.
Grûpê ji bo beşdarbûna di festîvalê de, danîna alaya Kurdistanê li kêleka alayên welatên din wekî merc danî.
Koma Lêrê, bi şanoya "Min Hoşyar im" (Ez Hişyar im) beşdarî pêşbirkê bû û ew şanoyan wan hêjayî xelata sereke ya festîvalê xelata zêrîn hat dîtin.
Şanoya ku derhêneriya wê Rizgar Faqe dike ji aliyê Huner Tahîr ve hatiye nivîsandin û behsa têkoşîna li dijî madeyên hişbir dike.
Lîstik bi piştgiriya Wezareta Rewşenbîrî û Ciwanan a Herêma Kurdistanê hatiye amadekirin.
Derhênerê lîstikê Rizgar Feqe ji Rûdawê re got:
“Me ji komîteya amadekar a festîvalê re got ku em naxwazin li ser navê Îraqê beşdarî pêşbirkê bibin û eger em beşdar bibin em dê alaya Kurdistanê bilind bikin.
Di destpêkê de ev yek qebûl nekirin lê piştre bi hewldanên Alîkarê Wezîrê Karên Dervey yê Îraqê yê ji bo Karûbarên Piralî û Yasayî Omer Bezencî û Balyozê Îraqê yê Tûnisê wan şertê me qebûl kir.”
Rizgar Feqe herwiha spasiya Desteya Geştûguzariya Herêma Kurdistanê jî kir ku ji bo beşdarbûna festîvalê piştevaniya wan kiriye.
5emîn Festîvala Şanoya Kolane ya Navneteweyî ya Sicaveniriayê di navbera 18-21ê Kanûnê Peşînê de hat lidarxistin.
Ji bilî tîmên Tûnisî, tîmên şanoyê yên ji 8 welatên Erebî û Ewropayê beşdarî festîvalê bûn.
