Serokê Herêma Kurdistanê Nêçîrvan Barzanî bi boneya cejna Krîsmesê peyameke pîrozbahiyê belav kir û tê de dibêje: “Di vê cejna pîroz de, em teqez dikin ku Herêma Kurdistanê hertim dê weke landik û warê piralî, pêkvejiyana aştiyane û hevpejirandina hemû pêkhateyên olî û nîjadî bimîne.”
Peyama Serokê Herêma Kurdistanê Nêçîrvan Barzanî wiha ye:
“Krîmes, cejna ji dayikbûna Hezretî Îsa yê Mesih, silavê Xwedê lê bin, bi germî li hemû xuşk û birayên mesîhî yên li Kurdistan, Iraq û cîhanê pîroz dikim, cejneke pir bi şadî û bexteweriyê ji bo wan dixwazim. Ez hêvî dikim ku hûn cejna xwe di rewşeke aram de pîroz bikin û bêhnvedanek xweş derbas bikin.
Di vê cejna pîroz de, em teqez dikin ku Herêma Kurdistanê hertim dê weke landik û warê piralî, pêkvejiyana aştiyane, hevpejirandin, lêborîn û pêkvejiyana di navbera hemû pêkhateyên olî û nîjadî de bimîne. Ligel xuşk û birayên me yên Mesîhî û ligel hemû pêkhateyan, em hemû bi hev re kar bikin ji bo avakirina niha û paşerojeke baştir ji bo nifşên xwe, ji bo welatekî ku maf û azadiyên hemû welatiyên xwe ji her ol û neteweyê bin biparêze.
Cejna ji dayikbûna Mesih li hemûyan pîroz be, bila her sal ji bo hemû mirovahiyê bibe sedema xweşî û aştiyê.”
