Bakirhan ji bo aştiyê bangî Erdogan kir

Hevserokê Partiya Gelan a Wekhevî û Demokrasiyê (DEM Partî) Tuncer Bakirhan ji bo xebatên hilbijartinên xwecihî yên 31ê Adarê doh li Qersê bû.

“Her roj zarokên Kurd û Tirkan canê xwe ji dest didin”

Tuncer Bakirhan li Qersê bangî Erdogan kir û got:

“Birayê min, li welatê te her roj zarokên Kurd û Tirkan canê xwe ji dest didin.

Cenazeyên ciwanên Kurd û Tirkan tên.

Li şûna ku tu aştiya Ukrayna û Rûsyayê pêk bînî tu çima li gel birayên xwe yên Kurd aştiya xwe ya civakî pêk nayînî û Tirkiyeyê nakî welatê herî bihêz ê cîhanê?”

“Dibêje ez dê li ser serê Kurdan top û tifingan bibarînim”

Bakirhan di axaftina xwe de li ser pirsa Kurd rexne li desthilata Tirkiyeyê girtin û anî zimên:

“Li cîhanê ji aştiyê hez dike lê di vê hilbijartinê de dibêje ez dê li ser serê Kurdan top û tifing û fîşekan bibarînim.”