Ev naveroka daxûyaniyê ye:
Şaxa Manîsa a Partiya Sosyalîst a Kurdistan-PSK carekî dînê kete ber êrîşa nijadperest, faşîst û şovenan.
Şaxa Manîsa a PSK berê jî gelek caran ketibû ber êrîş û gefxwarina nijadperestên Tirk.
Berbanga 25ê Cotmeha sala 2018an, çend kes deriya derweyê a avahiyê, ku saxa partiya me jî têda ye, şikandine û dijî partiya me diruşm avêtîne, xeberên xirap gotine.
Êrîşkar negihiştine qata, ku şaxa partiya me têda ye û ji wan 2 kes (M.C.A û F.C.O) ji aliyê polêse va hatine girtin.
Êrîşa hanê tenê tawana ziragihandin li mal nîne, her usa tawanekê mirovî ye, tawaneka kîn û nefret e bo beşekê civakê.
Êrîşa hanê her weha dijmînkariya nijadperest û faşîstên Tirk derheqa Kurd û rêxistinên kurd û siyasetmedarên Kurd nişan dide.
Êrîşa hanê nişan dide, ku, eger pêşiya êrîşên bi vî rengî neyê girtin û desthilatdarên Tirkiyê bona vê armancê tevdîr nestînin, rê li ber êrîşên mezîntir û xeternaktir xweş dibe.
Em êrîşa bo ser Şaxa Manîsa a Partiya me bi tundî mahkum dikin.
Divê hikumeta AK Partî bona, ku rê li pêşiya êrîşên hanê bigre, tevdîrên pêwîst yên îdarî û ewlehiyê bistine.
Divê êrîş li ser rêxistin û siyasetmedar û kesên Kurd wekî tawana mirovî bê hesibandinê.
Em banga hêzên welatparêz, şoreşger, demokrat û aşitîxwaz dikin, ku dengê xwe dijî êrîşa hanê bilind bikin, piştgirê saxa Manîsa a PSK bin.
