Pêşvero bo PYDê: Dest ji xirabiyên li hember kurdan berde

Polîtboruya Pêşverû di daxuyaniyekê ragihand, ku roja sêşemiyê di Roja Cîhaniya Jinan de grûpeke Ciwanên Şoreşger xwest, êrîşî navenda wan li Dirbêsiyê bike, lê piştre avêtin ser mala Dr. Xalid Deham Îsa û bi kêran li wî û mêvanê wî Xalid Zubêr xistine û ew birîndar kirine.

Pêşvero di daxuyaniya xwe de dinêje, mebest ji wan kiryaran ew e ku partiyên siyasî çalakiyên xwe rawestînin.

Herwiha Pêşvero ji PYD xwest, dest ji wan cure reftarên xirab û ecêb ên li hember civaka Kurdî berde û nebe sedema têkçûna rewşê.

Pêşveroyê di daxuyaniya xwe de ji Asayişa Rêveberiya Xweser a girêdayî PYDê jî xwest, ku kesên ew êrîş pêk anîne, werin cezakirin.