CENTCOM: Ti niyeteke me ya vekişîna ji Minbicê nîne

Fermandariya Hêzên Navendî (Centcom) a Amerîkayê û Wezareta Derve ya Amerîkayê li ser pirsan heman daxuyanî dan û gotin, "Ti niyeteke me ya vekişîna ji Minbicê nîne."

Berdevkê CENTCOMê Adrian Rankine Gallowey li ser pirsa Minbicê ev bersiv da: "Hêzên hevpeymaniyê niha Minbicê ne. Wek herêmên din ên ji DAIŞê hatine rizgarkirin, hevpeymanî ji bo îstiqrarê piştgiriyê dide hêzên herêmî û konseya sivîl a herêma Minbicê. Ji ber ewlekariya operasyonel em agahiyên zêdetir nadin."

Berdevka Wezareta Derve Heather Nauertê jî bersiva heman pirsê wiha da: "Ti niyeteke me ya vekişîna ji Minbicê nîne, lê ji vê û pê de divê hûn ji Wezareta Berevaniya Amerîkayê vê pirsê bikin."