Divê Amerîka xeletiya xwe demildest bivegere!

Namzedê Serokatiya Amerîka yê Partiya Demokrat a sala 2000'an û senatorê berê Joe Lieberman di axaftina xwe de got: "Rêvebiriya Amerîka li Iraqê polîtîkayên şaş dimeşîne û divê di zûtirîn demê de ji vê şaşiyê vegere û ji bo çekên ku dide Bexdayê wan hişyar bike da ku ji bo armancên şaş bi kat neyinin."

Joe Lieberman di berdewamiya axaftina xwe de got: "Piştgirî nedayîna Serxwebûna Kurdistanê xeletiyeke mezin bû ji bo Amerîkayê. Ji vê seetê pê ve divê polîtîkayên şaş ê ser Kurdistanê werin sekinandin û Washîngton vê guvaşê li Iraqê bike."

Her wiha Generalê Hêza Hewayî yê Amerîkayê yê teqawûtbûyî Charles Wald jî got: " Ji bo gengeşiya ku li Iraqê peyda bûye û ji holê rabe divê Washîngton helwesta xwe ya Bexdayê biguherîne. Eger siyaseteke aqîlane ya Qesra Spî hebûna wê Iraq neketana destê milîsên çekdar ên şîe û ev milîs wê bi çekên me êrişî dostên me yên kurd nekirana."