Endamê Kongreya Amerîkayê: Divê Amerîka piştgiriya serxwebûna kurdan bike

Endamê Kongreya Amerîkayê Trent Franks daxuyaniyek ragihand û tê de qala êrişa Kerkûkê kir ku ji aliyê Heşdî Şabî û hêzên Iraqê yên bi piştevaniya Supaya Pasdarên Îranê ve hatiye kirin.

Trent Franks diyar kir ku, Heşdî Şabî rengê xwe yê rasteqînî nîşan da û ew ne ligel aramiya hemû Iraqê û rojhilatê navîn in, û "ew leşkerên rêjîmeke gendel in li Tehranê ne" û dixwazin hîlala Şîe ava bikin.

Franks di beşekî din a daxuyaniya xwe de dibêje, tedbîrên me ji bo nehiştina aloziyan hebû û divê Amerîka li hemberî hevpeymanên xwe yên dilsoz xemsar nebe ku ew jî Kurd in û pêwîst e rêz li xwesteka dostên me yên dilsoz were girtin, ku biryarê li ser çarenivîsa xwe didin. Endamê Kongreya Amerîkayê herweha destnîşan kir ku dema Amerîka serxwebûna xwe ji Birîtanya wergirt, wê demê berpirsên cîhanê ligel me hevsoz bûn, lewma divê Amerîka piştgiriya hewlên Kurdan ji bo serxwebûnê bike, ji ber ku di berjewendiya niştîmaniya Amerîka de ye.