Hêzeke pîyadeyên deryavanî ya Amerîkî gihîşt Rimêlanê

Hejmara wan pîyadeyên deryavaniyê digihe 200 kesan ku tê plankirin topxaneyeke leşkerî jî li Hesekê were bicîkirin.

Çavkaniyê diyar kir ku ji ber zehmetiya veguheztina bi helîkopteran, dê yekîneyên leşkerî yên din bi rêya deriyê Sêmalka ji Herêma Kurdistanê bo Sûriyê werin veguhêztin.

Çavkaniya Spûtnîkê got, "Hebûna leşkerî ya Amerîkayê li Sûriyê, di heyema seroktiya Barack Obama de hatibû zêdekirin. Berê tenê pispor û şêwirmendî leşkerî hebûn, lê niha em dibînin ku pîyadeyên deryavaniyê jî hatine."

Herwiha rayedarekî Meclîsa Leşkerî ya Minbicê ku girêdayê Hêzên Sûriye ya Demokratîk (HSD) ji Sputnikê re axivî û ragihand ku Amerîka 200 leşker bi wesayîtên zirxî ve şandinê Minbicê û li bakurê Minbicê bicih kirine da ku hêzên Tirkiye û ASAyê êrişî wan deveran nekin.