Ji Amerîkayê daxuyaniya hilbijartinên 14ê Gulanê

Cîgirê Berdevkê Wezareta Derva ya Amerîkayê Vedant Patel di civîna rojnamevanî ya rojane de pirsa, “Encamên hilbijartina Serokomariyê û ya Parlamenteriyê yên li Tirkiyê, tesîrê li peywendiyên Amerîka û Tirkiyeyê bikin?”wiha bersivand, "Nexêr, dê bandorê lê neke."

Patel wiha got, "Em dê di xebata ligel hikûmeta ji aliyê gelê Tirkiyê ve were hilbijartin de û her wiha di kûrkirina van peywendiyan û xebata li ser hevkarî û berjewendiyên hevbeş de berdewam bin."

Patel bal kişand li ser wê yekê ku Tirkiye ji bo NATOyê hevalbendeke girîng e û di gelek mijarên ji bo Amerîkayê girîng de roleke baş dileyîze.

Vedant herwiha teqez kir ku Amerîka di hilbijartinan de alîgiriyê nake û wiha got, "Hêviya me bi tenê ew e ku em hilbijartineke azad û adil a li gorî pêvajoyeke demokratîk bibînin."