Konsolosê Amerîkayê yê li Hewlêrê pêşwaziya heyeta ENKSê kir

Nûnertiya Encûmena Niştimanî ya Kurd li Sûriyê(ENKS) di daxuyaniya xwe de ragihand ku li Kurdistanê Konsolosê Amerîkayê Kin Giros pêwaziya heyetekê ji ENKS bi serokatiya Serokê ENKS Ibrahîm Biro, Endamê Sekretariya Giştî Siûd Mela û Endamê komîteya pêwendiyên derve Mistefa Sîno kir.

Li gorî çavkaniyên herêmî di civînê de ENKS behsa astengiyên ku dikevin pêşiya ENKS ji aliyê rejîma Sûriyeyê, herwiha ji aliyê Partiya Yekîtiya Demokrtîk(PYD) û biryarên wê di girtina siyasetmedar, çalakvan û rojnamevanan de û di heman demê de girtina ofîsên wan ji aliyê PYDê.

ENKSê destnîşan kir ku PYD piştgiriya leşkerî ya Amerîkayê li dijî ENKS bikartîne û rê li pêşiya hemû kar û çalakiyên wê dike.