Almanya: Em ê mafê penaberiyê bidin leşkerên ku ji Rûsyayê direvin

Nancy Faeser ji rojnameya Frankfurter Allgemeine Sonntagszeitung re axivî û got “Wekî rêbaz, leşkerên reviyayî yên di bin gefa zextên giran de, li Almanyayê sûdê ji parastina navneteweyî digirin. Her kesê ku bi wêrekî li dijî rejîma Vladimir Putin derdikeve û ji ber vê yekê xwe dixe metirsiyeke mezin, dikare bi hinceta zextên siyasî li Almanyayî serî li penaberiyê bide."

Faeser diyar kir ku Almanya ji xwe bi mehan e mûxalîfên Rûs ên ku zilm dîtine û gef li wan tên xwarin, qebûl dike.

Wezîrê Dadê yê Almanyayê Marco Buschmann jî ragihand: “Her kesê ku ji Putin nefret dike û ji demokrasiya lîberal hez dike, dikare li Almanyayê beşdarî me bibe.”

Piştî biryara seferberiya qismî ya Putin, bi hezaren kes berê xwe dan sînorên welatên cîran, lê Letonya, Lîtvanya û Estonyayê ragihandin ku mafê penaberiyê nadin wan kesên ku ji Rûsyayê direvin.