Rûhanî bertek da DYA ...

Serokomarê Îranê Hesen Rûhanî civîna Destaya Wezîran de biryara Kongresa Amerîkayê ya derbarê sepandina dorpêça aborî ya ser Îranê rexne kir û got: “Ev dorpêç bandore li gelê Îranê nakin û siyaseta Komara Îslamî naguherin.”

Bi gotina Rûhanî, Amerîka bi sepandina van cezayên nû nikare piştgiriya welatên Ewropayê bistîne.

Rûhanî herwiha got: “Divê em behremendiyên xwe yên berevaniyê pêşbixin û bêyî ku li nêrîna kesên derve binerin, pêwîstiyên berevaniya xwe dabîn bikin.”

Serokomarê Îranê da xuyand ku eger Amerîka dixwaze li herêmê aramî û seqamgîrî peyda bibe, divê dest ji siyaseta neyartiya Îranê berde.

Roja Sêşemê 25-07-2017, Kongresa Amerîkayê bi hêceta “binpêkirina mafên mirovan, çalakiyên mûşekî û pişrgitiya Îranê ya ji terorê re”, projeya ambargoya nû ya aborî ya ser Îranê pesend kir.